मुनगंटीवार यांच्या उपस्थितीमध्ये अपक्ष आमदार जोरगेवार यांचा भाजपामध्ये पक्ष प्रवेश*

चंद्रपूर :- चंद्रपूरचे अपक्ष आमदार किशोर जोरगेवार यांनी आज भाजपमध्ये अधिकृतरित्या प्रवेश केला आहे. भाजपचे ज्येष्ठ नेते सुधीर मुनगंटीवार यांच्या उपस्थितीत हा पक्षप्रवेश सोहळा पार पडला. यामुळे आता जोरगेवार यांना चंद्रपुरातून भाजपची उमेदवारी निश्चित झाल्याचे मानले जात आहे. मागील काही दिवसांपासून जोरगेवार प्रमुख राजकीय पक्षांच्या उमेदवारीसाठी प्रयत्न करीत होते. शरद पवार यांच्या भेटीला ते गेले होते. पण तिथे त्यांना प्रतिसाद न मिळाल्याने त्यांनी भाजपची वाट धरली. यात भाजप नेते आणि माजी केंद्रीय मंत्री हंसराज अहिर यांनी त्यांना भक्कम पाठबळ दिले. त्यामुळे मुनगंटीवार यांची इच्छा नसतानाही जोरगेवार यांना पक्षात प्रवेश देण्याचे आदेश पक्षाने दिले आणि त्या आदेशावर मुनगंटीवार यांनी आज अंमल केला. यावेळी हंसराज अहिर हेही काही वेळाने उपस्थित झाले.