चंद्रपूर : एज्युकेशन अँड कल्चरल सोसायटी संचलित इंदिरा गांधी गार्डन स्कूलच्या तीन विद्यार्थ्यांनी महानगरपालिका (मनपा) स्तरीय बुद्धिबळ स्पर्धेत बाजी मारली आहे. 14 वर्षांखालील वयोगटातील विजेते सार्थ भुजाडे (इयत्ता 6 वी), संग्राम चव्हाण (इयत्ता 6 वी) आणि गौरिका बेले (इयत्ता 4 थी) यांचीही विभागीय स्तरावरील बुद्धिबळ स्पर्धेसाठी निवड झाली आहे.क्रीडा व युवक सेवा संचालनालय, पुणे, जिल्हा क्रीडा अधिकारी कार्यालय, जिल्हा क्रीडा परिषद आणि चंद्रपूर महानगरपालिका यांच्या संयुक्त विद्यमाने चंद्रपूर महानगरपालिका क्षेत्रांतर्गत येणाऱ्या शाळांसाठी बुद्धिबळ स्पर्धेचे आयोजन करण्यात आले होते. जिल्हा क्रीडा संकुलात आयोजित या स्पर्धेत शहरातील 25 हून अधिक शाळांमधील 200 हून अधिक विद्यार्थ्यांनी सहभाग घेतला.
तीन विजेत्यांनी स्पर्धेत विजयी होण्यासाठी सहा फेऱ्या खेळल्या. शाळेचे क्रीडा शिक्षक विशाल चव्हाण व रेश्मा पठाण यांनी स्पर्धेच्या तयारीसाठी मार्गदर्शन केले. विजेत्या विद्यार्थ्यांचा शाळेत मुख्याध्यापक बावानी जयकुमार यांच्या हस्ते सत्कार करण्यात आला. शाळेच्या संचालन समितीचे उपाध्यक्ष राहुल पुगलिया, समितीचे पदाधिकारी व सदस्य, शाळेचे प्रशासक जयकुमार सर, सर्व शिक्षक व कर्मचारी यांनी विजेत्या विद्यार्थ्यांचे अभिनंदन केले आहे.